似貓多過似雀《The Last Guardian》第1版玩後報告

Uwants

琴日係The Wave舉行既活動，我有幸預約到試玩《The Last Guardian》第一版既體驗版，講真本身都LIKE《ICO》、《汪達與巨像》風既遊戲，所以絕對唔會錯過呢隻GAME，而且仲要等左6年。

今次玩既版本係之前外國人氣YouTuber既版本，完全一樣，我唔理咁多玩左先。
講真呢隻叫大鷲（應該係雀）既生物，真係似貓多過似雀，除左可以用R1去叫佢過來，亦可以用光去引佢注意。

開始時除左要自己爬去開燈，引佢跳去燈塔之外，仲會食一些發光木桶（桶內應該係佢專用食物），不過呢隻貓（雀）好怕眼型既玻璃窗，要打爛呢D玻璃窗，佢先會行。
最攪笑既係，唔知係我撞左BUG？定係我問題，我玩果時隻貓（雀）唔係好聽話，又唔係好鍾意我，叫左幾十次佢都唔肯跳，好不容易叫到佢跳，我就括出去（個日本人叫我括出去…）跳崖佢都唔接住我，就連負責監察既日本人都覺得奇怪，總之我隻貓（雀）唔多聽話…


呢個要隻貓（雀）跳去對面，然後我過去，等隻貓（雀）接住我…真係試左十幾次不過可能跳左幾十次崖，感動到隻貓（雀），終於都肯接住我比我完成埋個體驗版，講真，真係幾好玩，但真係要記指令，按錯掣真係會死……呢隻GAME真係好玩，真心支持！