Yahoo Food
【食譜】狸貓換蟹籽！呢個pizza到底用咩整？
是咁的……包包唔食菜。
每次我都要用唔同方法食佢食，今次直頭用椰菜花做pizza個底去令佢食。
無錯！係椰菜花，無麵粉及其他。
呢啲咁高科技份子料理當然唔會係我原創啦，係我睇台灣啲食譜網睇到。
於是就照跟，出來效果係好食，但一凍呢就會較為軟身，
呀包屬於聰明豆個仔當然知道分別，平日佢會食晒個脆批底再食餡，昨日就食晒d餡先用龜速速度去食個皮。
不過我覺得係值得整，而且啲減肥人士都可以整，佢味道真係唔錯的！
你睇佢個樣同真實無乜分別，如果有時候焗耐啲個底會更好食，幾好味的。
做法：
椰菜花 1大個
蛋 半隻
芝士粉 半湯匙
Pizza 餡料：
隨自己決定
做法：
1. 椰菜花浸洗後就烚至軟身
2.瀝乾水份及放涼
3.放入攪拌機打爛
4.打完後放入煲湯袋隔渣
5.分兩次加入蛋及芝士粉撈勻
6.放上焗盤，焗盤上放上牛油紙，然後做成圓形
7.用220度火焗20分鐘
8.放上餡料，我就將雞柳用鹽及少少黑胡椒醃，醃完煎香再剪或雞條
9.再加菠蘿同磨菇，磨菇用罐裝，因為唔會出水
10.放上餡料再用200度焗佢15分鐘或芝士溶及金黃色就done
飲食資訊由熱新聞提供
原文連結: 狸貓換蟹籽
更多相關內容
